«Наполи» жамоаси вингери Давид Нерес яна жароҳат сабабли сафдан чиқди. Тўққиз ойлик танаффусдан сўнг шанба куни илк бор асосий таркибда майдонга тушган бразилиялик футболчи энди тикланиш жараёнини бошлади.
Calcionapoli1926.it нашри хабар беришича, «Вильярреал»га қарши учрашув вақтида Нерес ўнг сонида мушаклар билан боғлиқ ноқулайликни ҳис қилган. «Пинета Гранде» шифохонасида ўтказилган тиббий текширув футболчининг ўнг сонидаги мушак енгил даражада шикастланганини кўрсатди.
Айни пайтда Нерес тикланиш жараёнига киришган. Унинг майдонга қачон қайтиши ҳозирча маълум қилинмаган.
