Londonning "Chelsi" klubi braziliyalik hujumchi Estevao Villian bilan yangi shartnoma imzolashni rejalashtirmoqda. Jamoaning yangi bosh murabbiyi Xabi Alonso qo‘l ostida futbolchi muntazam o‘yin amaliyotiga ega bo‘lmayotganiga qaramay, klub rahbariyati unga ishonch bildirishda davom etmoqda.
Ta’kidlash joiz, iqtidorli hujumchining "Chelsi" bilan amaldagi shartnomasi 2033 yilga qadar mo‘ljallangan. Shunga qaramasdan, londonliklar futbolchi bilan kelishuv shartlarini yangilashdan manfaatdor.
Daily Mail nashrining xabar berishicha, klub rahbariyati braziliyalik futbolchining tirishqoqligi va qat’iyatini munosib rag‘batlantirishni istamoqda. Shu orqali "Chelsi" Estevaoga bo‘lgan ishonchini yana bir bor namoyish etishni maqsad qilgan.
Estevao joriy mavsumda Angliya Premyer-ligasining beshta uchrashuvida maydonga tushgan, biroq hozircha gol yoki golli uzatma qayd eta olmagan.
