«Liverpul» vingeri Bredli Barkola Fransiya chempionati va Angliya Premyer-ligasi o‘rtasidagi farqlar haqida gapirdi.

«Hozir moslashuv davrini boshdan kechiryapman. Bu yerdagi muhit «PSJ»dagidan farq qiladi. APL boshqacha, bu yerda jamoalar taktikaga kamroq e’tibor qaratishadi. Balki bu menga shunday tuyulayotgandir, chunki Parijda taktik jihatdan juda talabchan murabbiy qo‘l ostida o‘ynaganman.

Bu yerda maydondagi o‘zgarishlar ham kamroq. «PSJ»da men markazga surilib, keyin qanotga o‘tishim, o‘z pozisiyamni esa boshqa futbolchiga bo‘shatib berishimga to‘g‘ri kelardi. Bu yerda esa hammasi boshqacha», — deya fransuz futbolchisining so‘zlarini keltirmoqda Goal.

24 yoshli vinger o‘tgan yozda 125 million yevro evaziga «Liverpul»ga o‘tgan edi.