«Manchester Siti» hujumchisi Erling Xoland Angliya Premyer-ligasi tarixida penaltisiz 100 ta gol urish uchun eng kam uchrashuv sarflagan futbolchi bo‘ldi. Bu haqda Opta Sport statistik portali xabar berdi.
Norvegiyalik hujumchi APLning 7-turi doirasida «Ipsvich Taun»ga qarshi bahsda dubl qayd etdi. Uchrashuv «Manchester Siti»ning 3:2 hisobidagi g‘alabasi bilan yakunlandi.
Xoland Angliya chempionatida penaltilarni hisobga olmagan holda 100 ta gol urish uchun 139 ta o‘yinda maydonga tushishiga to‘g‘ri keldi. Bu musobaqa tarixidagi eng yaxshi natija hisoblanadi.
«Manchester Siti» joriy mavsumda APLning dastlabki yettita uchrashuvida ham g‘alaba qozonib, 21 ochko bilan turnir jadvalida peshqadamlik qilmoqda. Ikkinchi o‘rinda borayotgan «Arsenal» bilan farq olti ochkoni tashkil etadi, biroq londonliklarda zaxirada bitta uchrashuv bor.
Xoland esa 2026/27 yilgi mavsumda APLning oltita bahsida sakkizta gol urishga ulgurdi.
