Kot-d’Ivuar terma jamoasi bosh murabbiyi Erve Renar Afrika Millatlar kubogini avvalgi formatga qaytarish, ya’ni musobaqani har ikki yilda bir marta o‘tkazish taklifini qo‘llab-quvvatladi.
Avvalroq Afrika futbol konfederasiyasi (CAF) turnirni har to‘rt yilda bir marta o‘tkazish formatiga o‘tishga qaror qilgan edi. Biroq endi bu masala qayta ko‘rib chiqilishi mumkin.
«Menimcha, Afrika Millatlar kubogini har ikki yilda bir marta o‘tkazish tartibiga qaytish a’lo qaror bo‘ladi. Turnir avvalgidek o‘tkazilishi kerak. To‘rt yil juda uzoq muddat, ammo bu mening shaxsiy fikrim», — dedi fransiyalik mutaxassis Afrik-Foot nashriga bergan intervyusida.
