«Barselona» bosh murabbiyi Xans-Diter Flik Ispaniya La Ligasining 9-turi doirasida «Betis» ustidan safarda qozonilgan 5:2 hisobidagi g‘alabani sarhisob qildi.
«O‘ylashimcha, hujumda juda yaxshi va yuqori shiddat bilan harakat qildik. O‘yin oson kechmadi. «Betis» ham ajoyib o‘yin namoyish etdi. Menimcha, biz g‘alabaga munosib edik», — deya Flikning so‘zlarini keltiradi Marca nashri.
«Mashg‘ulotlarda standart vaziyatlar ustida ishlash juda muhim. Ikkinchi golimiz katta ahamiyatga ega bo‘ldi, chunki u birinchi bo‘lim tugashidan oldin urildi. Standart vaziyatlar uchun mas’ul mutaxassislar o‘z vazifalarini yaxshi bajarishmoqda.
Har kuni bir xil holatga duch kelamiz. Maydonga tushmayotganidan norozi futbolchilar bor va bu tabiiy hol. Ushbu klubda, ushbu jamoada har bir futbolchi maydonga tushish va o‘zini ko‘rsatish imkoniyatiga ega bo‘ladi.
Jamoada ajoyib muhit hukm surmoqda. Barcha futbolchilar mashg‘ulotlarda juda yuqori saviya namoyish etishmoqda», — dedi Flik.
Ayni paytda «Barselona» 27 ochko bilan Ispaniya La Ligasi musobaqa jadvalida peshqadamlik qilmoqda.
Kataloniyaliklar navbatdagi uchrashuvini 20 oktyabr kuni Chempionlar ligasi doirasida «PSJ»ga qarshi o‘tkazadi.
