«Barselona» o‘z muxlislarini xursand qilishda davom etmoqda. Shanba kuni kechqurun Xans-Diter Flik shogirdlari Ispaniya chempionati doirasida «Betis»ni safarda 5:2 hisobida mag‘lub etishdi.

Uchrashuvning ikkinchi bo‘limida kataloniyaliklar himoyachisi Erik Garsiya majburiy ravishda maydonni tark etdi. E’tiborlisi, futbolchining o‘zi ham avvalroq zaxiradan o‘yinga qo‘shilgan edi. Maydondan chiqayotgan Garsiya sonining old qismini ushlab olgani kuzatildi.

«Hozircha kutishimiz va vaziyatni kuzatishimiz kerak. Ammo o‘ylashimcha, bu shunchaki lat yeyish bo‘lishi mumkin. Batafsil ma’lumotni keyinroq olamiz. Erikni almashtirishga majbur bo‘ldik», — dedi Flik matbuot anjumanida.

Qayd etish joiz, «Barselona» 2026/2027 yilgi mavsumda hozirgacha o‘tkazgan barcha 11 ta rasmiy uchrashuvida g‘alaba qozongan. Kataloniyaliklar Ispaniya chempionatida to‘qqizta, Chempionlar ligasida esa ikkita o‘yinda zafar quchishgan.

Kelasi hafta «Barselona»ni ikkita muhim uchrashuv kutmoqda. Jamoa 20 oktyabr kuni Chempionlar ligasida «PSJ»ga qarshi maydonga tushsa, 25 oktyabrda Ispaniya chempionati doirasida Madridning «Real» klubi bilan to‘qnash keladi.