«Барселона» ўз мухлисларини хурсанд қилишда давом этмоқда. Шанба куни кечқурун Ханс-Дитер Флик шогирдлари Испания чемпионати доирасида «Бетис»ни сафарда 5:2 ҳисобида мағлуб этишди.

Учрашувнинг иккинчи бўлимида каталонияликлар ҳимоячиси Эрик Гарсия мажбурий равишда майдонни тарк этди. Эътиборлиси, футболчининг ўзи ҳам аввалроқ захирадан ўйинга қўшилган эди. Майдондан чиқаётган Гарсия сонининг олд қисмини ушлаб олгани кузатилди.

«Ҳозирча кутишимиз ва вазиятни кузатишимиз керак. Аммо ўйлашимча, бу шунчаки лат ейиш бўлиши мумкин. Батафсил маълумотни кейинроқ оламиз. Эрикни алмаштиришга мажбур бўлдик», — деди Флик матбуот анжуманида.

Қайд этиш жоиз, «Барселона» 2026/2027 йилги мавсумда ҳозиргача ўтказган барча 11 та расмий учрашувида ғалаба қозонган. Каталонияликлар Испания чемпионатида тўққизта, Чемпионлар лигасида эса иккита ўйинда зафар қучишган.

Келаси ҳафта «Барселона»ни иккита муҳим учрашув кутмоқда. Жамоа 20 октябрь куни Чемпионлар лигасида «ПСЖ»га қарши майдонга тушса, 25 октябрда Испания чемпионати доирасида Мадриднинг «Реал» клуби билан тўқнаш келади.