«Bornmut» Angliya Premyer-ligasidagi uy uchrashuvlariga muxlislar tashrifi bo‘yicha klub rekordini yangiladi.
The Independent nashrining xabar berishicha, jamoaning «Sanderlend»ga qarshi kechgan va 2:0 hisobidagi g‘alabasi bilan yakunlangan bahsini «Vitaliti Stedium»da 12 004 nafar tomoshabin kuzatdi.
Bunday ko‘rsatkichga stadionning shimoli-g‘arbiy va janubi-sharqiy burchak sektorlari foydalanishga topshirilgani sabab bo‘ldi. Ushbu tribunalar 16 oktyabr kuni, «Bornmut» Yevropa ligasida «Shturm»ni 3:0 hisobida mag‘lub etgan uchrashuvda ilk bor ochilgandi.
«Ikkita yangi sektor ochilganini, muxlislar qo‘shimcha joylar va yaxshilangan qulayliklardan bahra olayotganini ko‘rish juda quvonarli. Albatta, pardozlash ishlari bilan bog‘liq ayrim masalalarni hali hal qilishimiz kerak», — dedi klub rahbari Jim Frevola.
Ayni paytda «Bornmut» Angliya chempionatining 7 turidan keyin 6 ochko bilan turnir jadvalida 15-o‘rinni egallab turibdi.
