«Борнмут» Англия Премьер-лигасидаги уй учрашувларига мухлислар ташрифи бўйича клуб рекордини янгилади.

The Independent нашрининг хабар беришича, жамоанинг «Сандерленд»га қарши кечган ва 2:0 ҳисобидаги ғалабаси билан якунланган баҳсини «Виталити Стэдиум»да 12 004 нафар томошабин кузатди.

Бундай кўрсаткичга стадионнинг шимоли-ғарбий ва жануби-шарқий бурчак секторлари фойдаланишга топширилгани сабаб бўлди. Ушбу трибуналар 16 октябрь куни, «Борнмут» Европа лигасида «Штурм»ни 3:0 ҳисобида мағлуб этган учрашувда илк бор очилганди.

«Иккита янги сектор очилганини, мухлислар қўшимча жойлар ва яхшиланган қулайликлардан баҳра олаётганини кўриш жуда қувонарли. Албатта, пардозлаш ишлари билан боғлиқ айрим масалаларни ҳали ҳал қилишимиз керак», — деди клуб раҳбари Жим Фревола.

Айни пайтда «Борнмут» Англия чемпионатининг 7 туридан кейин 6 очко билан турнир жадвалида 15-ўринни эгаллаб турибди.