"Barselona" bosh murabbiyi Hans-Diter Flik Chempionlar ligasida "PSJ"ga qarshi uchrashuv oldidan jamoa qanot hujumchisi Rafinyaning holati haqida ma’lumot berdi.
Nemis mutaxassis o‘yinoldi matbuot anjumanida braziliyalik futbolchi jarohatidan keyin asosiy tarkibga qaytishga tayyor ekanini tasdiqladi.
"Ertaga Rafinya asosiy tarkibda maydonga tushadi", — dedi Flik.
Eslatib o‘tamiz, Rafinya Braziliya terma jamoasi ixtiyorida bo‘lgan vaqtida jarohat olgan va shu sababli "Barselona"ning ikkita uchrashuvini o‘tkazib yuborgan edi.
O‘tgan dam olish kunlari u "Betis"ga qarshi bahsda ikkinchi bo‘limda zaxiradan maydonga tushib, jarohatdan so‘ng ilk bor o‘yinda ishtirok etdi.
Endi esa Rafinya Chempionlar ligasidagi muhim uchrashuvni dastlabki daqiqalardan boshlashi kutilmoqda.
"PSJ" va "Barselona" o‘rtasidagi Chempionlar ligasi umumiy bosqichining 3-tur bahsi 20 oktyabr kuni bo‘lib o‘tadi. Uchrashuv Toshkent vaqti bilan 21 oktyabrga o‘tar kechasi soat 00:00 da boshlanadi.
