"Барселона" бош мураббийи Ҳанс-Дитер Флик Чемпионлар лигасида "ПСЖ"га қарши учрашув олдидан жамоа қанот ҳужумчиси Рафиньянинг ҳолати ҳақида маълумот берди.
Немис мутахассис ўйинолди матбуот анжуманида бразилиялик футболчи жароҳатидан кейин асосий таркибга қайтишга тайёр эканини тасдиқлади.
"Эртага Рафинья асосий таркибда майдонга тушади", — деди Флик.
Эслатиб ўтамиз, Рафинья Бразилия терма жамоаси ихтиёрида бўлган вақтида жароҳат олган ва шу сабабли "Барселона"нинг иккита учрашувини ўтказиб юборган эди.
Ўтган дам олиш кунлари у "Бетис"га қарши баҳсда иккинчи бўлимда захирадан майдонга тушиб, жароҳатдан сўнг илк бор ўйинда иштирок этди.
Энди эса Рафинья Чемпионлар лигасидаги муҳим учрашувни дастлабки дақиқалардан бошлаши кутилмоқда.
"ПСЖ" ва "Барселона" ўртасидаги Чемпионлар лигаси умумий босқичининг 3-тур баҳси 20 октябрь куни бўлиб ўтади. Учрашув Тошкент вақти билан 21 октябрга ўтар кечаси соат 00:00 да бошланади.
