Fransiyaning «PSJ» klubi barcha musobaqalar doirasidagi g‘alabali seriyasini yettita o‘yinga yetkazdi.
Luis Enrike boshchiligidagi parijliklar navbatdagi muvaffaqiyatga Yevropa Chempionlar ligasi umumiy bosqichining 3-turida erishdi. Jamoa o‘z maydonida Ispaniyaning «Barselona» klubini 4:2 hisobida mag‘lubiyatga uchratdi.
Bu natija «PSJ» uchun ketma-ket yettinchi g‘alaba bo‘ldi. Fransiya klubi bunga qadar «Strasbur» (3:1), «Manchester Siti» (4:2), «Le-Man» (3:1), «Marsel» (2:1), «Brest» (1:0) va «Slovan» (6:1) jamoalarini ham mag‘lub etgan edi.
Shu tariqa, Parij klubi so‘nggi yettita uchrashuvning barchasida zafar quchib, raqiblari darvozasiga jami 23 ta gol kiritdi. Bu o‘yinlarda «PSJ» o‘z darvozasidan 8 ta to‘p olib chiqdi.
Endi Luis Enrike shogirdlari 25 oktyabr, yakshanba kuni Fransiya Liga 1 musobaqasining 8-turi doirasida «Lion»ni qabul qiladi.
