«Lasio»ning joriy mavsumni muvaffaqiyatli boshlashidagi asosiy futbolchilardan biri, shubhasiz, Oliver Provstgor hisoblanadi. Mario Xila jamoani tark etganidan so‘ng daniyalik markaziy himoyachi asosiy tarkibning muqarrar a’zosiga aylandi va yuqori saviyadagi o‘yinini namoyish etmoqda. Hozirda «byankochelesti» uning ishtirokisiz o‘ynashni tasavvur qila olmaydi. O‘tgan turda u klub safidagi ilk golini urdi va bu gol «Yuventus»ga qarshi muvaffaqiyatli uchrashuvda g‘alaba to‘pi bo‘ldi.
Daniyalik futbolchi bilan bog‘liq bir qiziqarli holat bor — yaqin vaqtgacha u futbolni virtual tarzda, ya’ni o‘yin konsolida o‘ynar edi. 2021 yilda esa u virtual Chempionlar ligasi g‘olibiga aylangan va finalda italiyalik o‘yinchining jamoasini mag‘lub etib, 75 ming yevro miqdoridagi haqiqiy pul mukofotini qo‘lga kiritgan.
Bu haqda derbyderbyderby.it nashri jurnalist Konstanino Jannastasioning ma’lumotlariga tayanib xabar bermoqda.
