Madridning «Real» klubi bosh murabbiyi Joze Mourinyo matbuot anjumanida Tibo Kurtua o‘zi faoliyati davomida ishlagan eng yaxshi darvozabonmi, degan savolga javob berdi.
«Men hech qachon bunday demaganman. Umuman, futbolchilarimga bunday baho bermayman. Mendan ko‘pincha murabbiylik faoliyatim davomidagi eng yaxshi boshlang‘ich tarkibni tuzishimni so‘rashadi.
Bir narsani aytishim mumkin: Kurtua jamoamga kelganida taxminan 20 yoshda edi. Tarkibda Angliya Premyer-ligasi tarixidagi eng yaxshi darvozabon Petr Chex bo‘lishiga qaramay, Kurtua asosiy tarkibda o‘ynay boshladi.
Biz Kurtua darvozani qo‘riqlagan holda Angliya chempionligini qo‘lga kiritdik. Eng yaxshilardan biri bo‘lgan Chex esa faqat kubok o‘yinlarida maydonga tushardi.
Ammo Kurtuani eng yaxshi darvozabon deb atasam, ikki daqiqadan keyin Julio Sezar menga qo‘ng‘iroq qilib: «Demak, Kurtua eng yaxshisimi? Unda men darvozada turganimda sen bilan birga qo‘lga kiritgan Chempionlar ligasi sovrini nima bo‘ladi?» — deydi.
U albatta qo‘ng‘iroq qiladi, bunga shubhangiz bo‘lmasin», — dedi Mourinyo kulimsirab.
«Real» chorshanba kuni Chempionlar ligasida «RB Leypsig»ni 4:1 hisobida mag‘lub etdi.
