Мадриднинг «Реал» клуби бош мураббийи Жозе Моуриньо матбуот анжуманида Тибо Куртуа ўзи фаолияти давомида ишлаган энг яхши дарвозабонми, деган саволга жавоб берди.

«Мен ҳеч қачон бундай демаганман. Умуман, футболчиларимга бундай баҳо бермайман. Мендан кўпинча мураббийлик фаолиятим давомидаги энг яхши бошланғич таркибни тузишимни сўрашади.

Бир нарсани айтишим мумкин: Куртуа жамоамга келганида тахминан 20 ёшда эди. Таркибда Англия Премьер-лигаси тарихидаги энг яхши дарвозабон Петр Чех бўлишига қарамай, Куртуа асосий таркибда ўйнай бошлади.

Биз Куртуа дарвозани қўриқлаган ҳолда Англия чемпионлигини қўлга киритдик. Энг яхшилардан бири бўлган Чех эса фақат кубок ўйинларида майдонга тушарди.

Аммо Куртуани энг яхши дарвозабон деб атасам, икки дақиқадан кейин Жулио Сезар менга қўнғироқ қилиб: «Демак, Куртуа энг яхшисими? Унда мен дарвозада турганимда сен билан бирга қўлга киритган Чемпионлар лигаси соврини нима бўлади?» — дейди.

У албатта қўнғироқ қилади, бунга шубҳангиз бўлмасин», — деди Моуриньо кулимсираб.

«Реал» чоршанба куни Чемпионлар лигасида «РБ Лейпциг»ни 4:1 ҳисобида мағлуб этди.