«Manchester Yunayted» va «Bavariya»ning sobiq bosh murabbiyi Lui van Gal Chempionlar ligasining amaldagi formatiga keskin tanqid bildirdi.
«UYEFAning musobaqa uchun bunday formatni o‘ylab topgani kulgili. Hozir unda istalgan jamoa ishtirok etishi mumkin. UYEFA faqat qanday qilib ko‘proq pul ishlash haqida o‘ylaydi. Bu — korrupsiya botqog‘iga botgan dunyo.
Axir musobaqa Chempionlar ligasi deb ataladi, to‘g‘rimi? Unda eng yaxshi jamoalar ishtirok etishi kerak. Shunda jamoalar saviyasi o‘rtasidagi farq ham, gollar soni ham kamroq bo‘lardi. Evaziga uchrashuvlar ancha yuqori saviyada o‘tar, futbol sifati esa sezilarli darajada yaxshilanardi», — deya murabbiyning so‘zlarini keltiradi The Touchline nashri.
