«Манчестер Юнайтед» ва «Бавария»нинг собиқ бош мураббийи Луи ван Гал Чемпионлар лигасининг амалдаги форматига кескин танқид билдирди.
«УЕФАнинг мусобақа учун бундай форматни ўйлаб топгани кулгили. Ҳозир унда исталган жамоа иштирок этиши мумкин. УЕФА фақат қандай қилиб кўпроқ пул ишлаш ҳақида ўйлайди. Бу — коррупция ботқоғига ботган дунё.
Ахир мусобақа Чемпионлар лигаси деб аталади, тўғрими? Унда энг яхши жамоалар иштирок этиши керак. Шунда жамоалар савияси ўртасидаги фарқ ҳам, голлар сони ҳам камроқ бўларди. Эвазига учрашувлар анча юқори савияда ўтар, футбол сифати эса сезиларли даражада яхшиланарди», — дея мураббийнинг сўзларини келтиради The Touchline нашри.
