«Реал» «Олтин тўп»ни топшириш маросимига нуфузли делегация юборишни режалаштирмоқда.
Икки йил давомида маросимда иштирок этмаган Мадрид клуби бу сафар тадбирга муносабатини ўзгартиришга қарор қилди. L’Equipe нашри хабар беришича, «Реал»нинг бир нечта футболчиси тақдирлаш маросимида қатнашади.
Мадридликлар сафидан бош соврин учун даъвогарлар қаторида Килиан Мбаппе, Винисиус Жуниор, Жуд Беллингем ва Марк Кукурелья бор.
2024 йилда «Реал» Родрининг Винисиусдан устун келиб, «Олтин тўп»ни қўлга киритиши маълум бўлганидан сўнг, сўнгги дақиқада маросимга боришдан воз кечган эди. Бир йил ўтиб, мадридликлар тадбирни яна деярли бутунлай эътиборсиз қолдирди. Ўшанда клубнинг ягона вакили аёл футболчи Каролин Уир бўлган.
