«Napoli» prezidenti Aurelio De Laurentis klubning kelajagi haqidagi savollarga aniqlik kiritdi.
U Radio Kiss Kiss Napoli radiostansiyasiga bergan intervyusida klubni sotish ehtimoli haqida gapirdi.
Uning aytishicha, arab investorlaridan klubni sotib olish bo‘yicha 3,5 milliard yevro miqdorida yirik taklif olgan. Biroq u futbol olamida qolishni afzal ko‘rgan.
«Bas, bu haqdagi gap-so‘zlar yetarli. Klubni sotish-sotmaslikka hali qaror qilganim yo‘q. Ammo shunday qarorga kelsam, uni amerikalikka emas, neapollik kishiga topshirishni ma’qul ko‘rardim», — deya De Laurentisning so‘zlarini keltiradi derbyderbyderby.it.
