«Наполи» президенти Аурелио Де Лаурентис клубнинг келажаги ҳақидаги саволларга аниқлик киритди.
У Radio Kiss Kiss Napoli радиостанциясига берган интервьюсида клубни сотиш эҳтимоли ҳақида гапирди.
Унинг айтишича, араб инвесторларидан клубни сотиб олиш бўйича 3,5 миллиард евро миқдорида йирик таклиф олган. Бироқ у футбол оламида қолишни афзал кўрган.
«Бас, бу ҳақдаги гап-сўзлар етарли. Клубни сотиш-сотмасликка ҳали қарор қилганим йўқ. Аммо шундай қарорга келсам, уни америкаликка эмас, неаполлик кишига топширишни маъқул кўрардим», — дея Де Лаурентиснинг сўзларини келтиради derbyderbyderby.it.
