Italiyalik taniqli mutaxassis Antonio Konte «Manchester Yunayted» bosh murabbiyligiga nomzodlar ro‘yxatiga kiritilgani haqidagi xabarlar ortidan rasmiy bayonot berdi.
So‘nggi vaqtlarda bir qator klublar bilan bog‘lanayotgan murabbiy hozircha hech qaysi jamoa bilan muzokaralar hal qiluvchi bosqichga yetmaganini ta’kidladi.
«Mening nomim ko‘plab klublar bilan bog‘lanmoqda. Biroq ayni paytda hech bir jamoa bilan muzokaralar jiddiy bosqichga yetgani yo‘q.
«Napoli»dagi ajoyib va muvaffaqiyatli davrdan so‘ng murabbiylik faoliyatimga qachon va qanday qaytish haqida o‘ylab ko‘rish uchun o‘zimga yetarlicha vaqt ajratmoqchiman.
Bu puxta o‘ylangan qaror bo‘ladi. Uni faqat tegishli sharoitlar yuzaga kelganiga ishonch hosil qilganimdan keyingina qabul qilaman.
Men allaqachon moliyaviy talablar qo‘yganim va tilga olinayotgan klublarda barcha masalalar ustidan to‘liq nazoratga ega bo‘lishni shart qilib qo‘yganim haqidagi xabarlarni o‘qidim. Shuningdek, ayrimlar mening «qat’iy xarakterim» deb atayotgan jihatim borasida xavotirlar bildirilayotganidan ham xabarim bor.
Bu da’volarning hech qanday asosi yo‘q. Chunki hozircha bunday xulosalar chiqarish uchun real sabablar mavjud emas.
Agar aniq taklif paydo bo‘lsa, o‘shanda tegishli klub bilan muzokaralar o‘tkazish vaqti keladi. Biz ehtimoliy kelishuv shartlarini har ikki tomonning ehtiyojlarin
