«Manchester Yunayted» bosh murabbiyi Maykl Karrik jamoa ichida kelishmovchiliklar yuzaga kelgani haqidagi xabarlarga munosabat bildirdi.
Angliyalik mutaxassis matbuot anjumanida mankunianliklar hozir murakkab davrni boshdan kechirayotganini tan oldi. Shunga qaramay, u jamoa inqirozdan chiqib keta olishiga ishonch bildirmoqda.
Jurnalistlar Karrikdan futbolchilar o‘rtasida ziddiyatlar borligi va jamoa kiyinish xonasida bo‘linish yuzaga kelgani haqidagi mish-mishlar qanchalik haqiqatga yaqin ekanini so‘rashdi.
«Kiyinish xonasida hech qanday bo‘linish yo‘q», — deya qisqa javob berdi murabbiy.
Ayni paytda «Manchester Yunayted» Angliya Premyer-ligasining 8-turidan o‘rin olgan «Bornmut»ga qarshi uchrashuvga tayyorgarlik ko‘rmoqda.
Mazkur bahs 25 oktyabr kuni «qizil iblislar» maydonida bo‘lib o‘tadi. Uchrashuv Toshkent vaqti bilan 19:00 da boshlanadi.
Qayd etish joiz, «Manchester Yunayted» hozirda Angliya chempionati turnir jadvalida 13-o‘rinni egallab turibdi.
