"Barselona" yarim himoyachisi Gavi "el-klasiko" oldidan "Real"ning hakamlik borasidagi e’tirozlariga munosabat bildirdi.
"Biz bunday gaplarga o‘rganib qolganmiz. Ular muxlislar yoki matbuotdan chiqadimi, farqi yo‘q. Bu bizga ta’sir qilmaydi.
Bugun g‘alaba qozonsang, seni eng zo‘ri deyishadi, ertasiga mag‘lub bo‘lsang, eng yomoniga aylanasan. Ayniqsa, ijtimoiy tarmoqlar davrida bu odatiy hol.
Eng muhimi — jamoa bo‘lib birlashish va ahillikni saqlash. Biz so‘nggi yillarda shunday yo‘l tutdik. Sovrinlarni qo‘lga kiritishda aynan shu muhim", — dedi Gavi.
