"Liverpul" himoyachisi Ronald Arauxo "Barselona"dagi faoliyati davomida boshidan kechirgan og‘ir ruhiy davr haqida gapirdi.
"Bu juda qiyin davr edi. Anchadan beri o‘zimni yaxshi his qilmasdim va eng yaxshi ko‘rgan mashg‘ulotim — futboldan ham zavq olmay qo‘ygandim. Shu sababli bir muddat tanaffus qilishim kerakligini angladim.
Yaqinlarim va mutaxassislardan yordam so‘rash zarurligini tushundim. Ba’zan hammasini ichingda saqlab, o‘zingni kuchli ko‘rsatishga urinasan. Ammo hayotda muammolaring haqida gapirish va boshqalarga ishonish muhim", — dedi Arauxo The Times nashriga.
Urugvaylik futbolchi "PSJ" va "Chelsi"ga qarshi Chempionlar ligasi o‘yinlarida qizil kartochka olganidan keyin qiyin davrni boshdan kechirgan. U taxminan bir oy futboldan uzoqlashib, vataniga qaytgan.
Arauxo "Vilyarreal"ga qarshi Chempionlar ligasidagi 4:3 hisobidagi g‘alabada urgan golini esa ajoyib lahza sifatida esladi.
