"Arsenal" bosh murabbiyi Mikel Arteta APLning 8-turida "Everton"ga qarshi o‘yin oldidan raqib ustozi Devid Moyesni maqtadi.
"Moyes barchamiz o‘rnak oladigan inson. Uning uzoq yillik faoliyati, Premyer-ligaga qo‘shgan hissasi va bosib o‘tgan yo‘li hurmatga loyiq. Men uni nafaqat ajoyib murabbiy, balki inson sifatida ham yaxshi bilaman.
"Everton"da xavfli futbolchilar ko‘p. Devid jamoasini qanday tayyorlashini yaxshi bilaman. Ular so‘nggi o‘yingacha mag‘lub bo‘lmagani tasodif emas. Bu juda kuchli jamoa va ularga qarshi bahslar biz uchun doim qiyin kechgan", — dedi Arteta.
"Arsenal" — "Everton" uchrashuvi bugun, 24 oktyabr kuni Toshkent vaqti bilan soat 19:00 da boshlanadi.
