BAA poytaxti Abu Dabi shahrida o‘tkazilgan UFC 333 turniri doirasida o‘zbekistonlik aralash yakkakurash ustasi Ramazon Temirov Buyuk Britaniya vakili Loner Kavanaga qarshi oktagonga ko‘tarildi. O‘ta yengil vazn toifasida kechgan ushbu jang o‘zbekistonlik sportchining mag‘lubiyati bilan yakunlandi.
E’tiborli jihati, ushbu to‘qnashuvdan avval har ikki jangchi UFC reytingida yonma-yon borayotgan edi: Ramazon Temirov 7-o‘rinni, Loner Kavana esa 6-pog‘onani band etib turgandi. Murosasiz kechishi kutilgan bahs uzoq davom etmadi. 1-raunddayoq britaniyalik sportchi texnik nokaut evaziga g‘alabani ilib ketdi va reytingdagi o‘rnini yanada mustahkamlab oldi.
Ushbu mag‘lubiyat Ramazon Temirov uchun professional faoliyatidagi to‘rtinchisi bo‘ldi. Hozir uning hisobida 20 ta g‘alaba va 4 ta mag‘lubiyat bor. Loner Kavana esa professional faoliyatidagi 11-g‘alabasini qo‘lga kiritdi.
