«Parma» bosh murabbiyi Alberto Jilardino Italiya A Seriyasining 8-turida «Lasio»dan qabul qilingan 1:2 hisobidagi mag‘lubiyat haqida fikr bildirdi.
«O‘yinni qayta ko‘rib chiqishim kerak, ammo menimcha, birinchi bo‘limda “Torino”ga qarshi bahsga nisbatan bir qadam oldinga siljidik.
Xavfli vaziyatlarni ko‘proq yaratdik, lekin tanaffusdan keyin raqibga juda oson gol urish imkonini berdik. Bu — sodda xatolar, bunday o‘ynashda davom eta olmaymiz.
O‘yin borasida tezroq ulg‘ayishimiz, yetuklikni oshirishimiz kerak», — dedi Jilardino.
