«Парма» бош мураббийи Альберто Жилардино Италия А Сериясининг 8-турида «Лацио»дан қабул қилинган 1:2 ҳисобидаги мағлубият ҳақида фикр билдирди.
«Ўйинни қайта кўриб чиқишим керак, аммо менимча, биринчи бўлимда “Торино”га қарши баҳсга нисбатан бир қадам олдинга силжидик.
Хавфли вазиятларни кўпроқ яратдик, лекин танаффусдан кейин рақибга жуда осон гол уриш имконини бердик. Бу — содда хатолар, бундай ўйнашда давом эта олмаймиз.
Ўйин борасида тезроқ улғайишимиз, етукликни оширишимиз керак», — деди Жилардино.
