Yaqinda Klarens Zeedorf Braziliyaning «Korintians» klubi bosh murabbiyi etib tayinlandi.
Niderlandiyalik mutaxassis 2018 yil avgustidan 2019 yil iyuligacha Kamerun terma jamoasini boshqarganidan keyin ilk bor murabbiylik faoliyatiga qaytdi.
Kecha kechqurun «Milan»ning sobiq futbolchisi Braziliya chempionatining 32-turi doirasida «Vasko da Gama»ga qarshi bahsda yangi jamoasi bosh murabbiyi sifatida debyut qildi.
Biroq uning faoliyati mag‘lubiyat bilan boshlandi. Uchrashuvning ikkinchi bo‘limi boshida Zeedorf shogirdlari ketma-ket ikki marta gol urib, hisobda oldinga chiqib olishganiga qaramay, 2:3 hisobida imkoniyatni boy berishdi.
Shu tariqa, «Korintians»ning g‘alabasiz seriyasi davom etdi — jamoa avgust oyi boshidan beri g‘alaba qozona olmayapti.
