Яқинда Кларенс Зеедорф Бразилиянинг «Коринтианс» клуби бош мураббийи этиб тайинланди.
Нидерландиялик мутахассис 2018 йил августидан 2019 йил июлигача Камерун терма жамоасини бошқарганидан кейин илк бор мураббийлик фаолиятига қайтди.
Кеча кечқурун «Милан»нинг собиқ футболчиси Бразилия чемпионатининг 32-тури доирасида «Васко да Гама»га қарши баҳсда янги жамоаси бош мураббийи сифатида дебют қилди.
Бироқ унинг фаолияти мағлубият билан бошланди. Учрашувнинг иккинчи бўлими бошида Зеедорф шогирдлари кетма-кет икки марта гол уриб, ҳисобда олдинга чиқиб олишганига қарамай, 2:3 ҳисобида имкониятни бой беришди.
Шу тариқа, «Коринтианс»нинг ғалабасиз серияси давом этди — жамоа август ойи бошидан бери ғалаба қозона олмаяпти.
