Londonning "Arsenal" klubi yanvar oyidagi transfer oynasi arafasida Madridning "Atletiko" klubi hujumchisi Xulian Alvaresni sotib olish bo‘yicha muzokaralarni qayta boshlamoqchi. Bu haqda The Daily Briefing xabar bermoqda.
"Kanonirlar" argentinalik hujumchini o‘z safiga qo‘shib olishdan hamon juda manfaatdor. Bundan tashqari, Alvaresga Yevropaning yana bir grand klubi — Kataloniyaning "Barselona"si ham qiziqish bildirmoqda.
Yulduz futbolchining transfer qiymati 110 million yevroni tashkil etadi.
Joriy mavsumda 26 yoshli hujumchi Ispaniya La Ligasida oltita uchrashuvda maydonga tushib, bir gol va bitta golli uzatmani o‘z hisobiga yozdi.
