"Komo" bosh murabbiyi Sesk Fabregas jamoadagi ayrim futbolchilar zich taqvim sharoitida tarkibni rotasiya qilish zaruratini hali ham qiyin qabul qilayotganini aytdi.
"Menimcha, eng muhimi — ko‘plab almashtirishlarni amalga oshirish va har bir futbolchiga o‘zining ahamiyatini his qilish imkonini berish. O‘yinchilar uchun ba’zan maydonga tushishingni, ba’zan esa o‘ynamasligingni tushunish katta vazifa. Ammo har qanday holatda ham jamoa uchun bor kuchingni berishing kerak. Hozir ayrimlar buni boshqalarga qaraganda qiyinroq tushunyapti, lekin asta-sekin ular ham avvalgi o‘yindan 66 soat o‘tib yana maydonga tushib bo‘lmasligini anglab yetmoqda", — deya Fabregasning so‘zlarini keltiradi Sky Sport Italia.
Italiya A Seriyasining 9-turi doirasidagi "Torino"ga qarshi uchrashuvning birinchi bo‘limidan keyin "Komo" 0:1 hisobida ortda bormoqda.
