"Barselona" "Atletiko" hujumchisi Xulian Alvares bilan muzokaralar olib borish ishi bo‘yicha belgilangan 602 yevro jarima ustidan shikoyat qiladi. Marca nashri xabar berishicha, kataloniyaliklar jarimani to‘lashni istamayapti. Biroq gap pulda emas, balki prinsipial pozisiyada: klub hech qanday qoidabuzarlik sodir etmaganini ta’kidlamoqda.
Manbaga ko‘ra, "Barselona"da jarimani "kulgili" deb hisoblashadi. Ammo klub axloqiy va prinsipial mulohazalarga ko‘ra uni to‘lashdan bosh tortmoqda va o‘z harakatlari qoidalarga muvofiq bo‘lganini ta’kidlayapti. Kataloniyaliklar qaror ustidan apellyasiya berishni rejalashtirmoqda.
Avvalroq Ispaniya futbol federasiyasi (RFEF) "Atletiko"ning shikoyatidan so‘ng "Barselona"ni jarima to‘lashga majbur qilgan edi. Kataloniya klubi Alvares bilan "Atletiko"ni xabardor qilmasdan muzokara olib borganlikda ayblanmoqda. Reglamentga ko‘ra, bunday holatda futbolchining amaldagi klubini xabardor qilish talab etiladi.
