"Барселона" "Атлетико" ҳужумчиси Хулиан Альварес билан музокаралар олиб бориш иши бўйича белгиланган 602 евро жарима устидан шикоят қилади. Marca нашри хабар беришича, каталонияликлар жаримани тўлашни истамаяпти. Бироқ гап пулда эмас, балки принципиал позицияда: клуб ҳеч қандай қоидабузарлик содир этмаганини таъкидламоқда.
Манбага кўра, "Барселона"да жаримани "кулгили" деб ҳисоблашади. Аммо клуб ахлоқий ва принципиал мулоҳазаларга кўра уни тўлашдан бош тортмоқда ва ўз ҳаракатлари қоидаларга мувофиқ бўлганини таъкидлаяпти. Каталонияликлар қарор устидан апелляция беришни режалаштирмоқда.
Аввалроқ Испания футбол федерацияси (RFEF) "Атлетико"нинг шикоятидан сўнг "Барселона"ни жарима тўлашга мажбур қилган эди. Каталония клуби Альварес билан "Атлетико"ни хабардор қилмасдан музокара олиб борганликда айбланмоқда. Регламентга кўра, бундай ҳолатда футболчининг амалдаги клубини хабардор қилиш талаб этилади.
