Serbiya Superligasining 13-turida Belgradning «Srvena Zvezda» klubi OFK «Belgrad» ustidan minimal hisobda g‘alaba qozondi. Ushbu uchrashuv hujumchi Marko Arnautovich uchun jamoa safidagi 50-o‘yin bo‘ldi.
Tajribali futbolchi barcha musobaqalar doirasida o‘tkazgan 50 ta bahsda 16 ta gol urdi. Ularning orasida azaliy raqib «Partizan» darvozasiga derbida kiritilgan to‘p ham bor. Shuningdek, Arnautovich Yevropa maydonlarida «Seltik», «Lill» va «Larn» jamoalariga qarshi uchrashuvlarda ham gol muallifi bo‘lgan.
Arnautovich «Srvena Zvezda» safiga 2025 yilda qo‘shilgan. Bunga qadar u Milanning «Inter» klubida to‘p tepgan.
