"Arsenal" bosh murabbiyi Mikel Arteta Deklan Raysning APL 9-turi doirasida "Liverpul"ga qarshi o‘yinda amalga oshirgan golli uzatmasini baholadi. Rays uchrashuvning 16-daqiqasida Kay Xaversga golli pas berdi.
"Gap faqat uzatmaning o‘zida emas. Eng avvalo, uning harakatlanishi muhim: u bo‘sh hududni ko‘rdi va himoya ortiga yugurib kirishi mumkinligini angladi. Keyin esa ikki himoyachiga qarshi bir hujumchi vaziyatidan to‘g‘ri foydalanish uchun kerakli vaqtni tanladi. Biz bunday harakatlarni muhokama qilgan edik. Ikkinchi bo‘limda yana ikkita ajoyib imkoniyatimiz bo‘ldi. Umuman olganda, jamoa bir nechta fantastik hujumlarni amalga oshirdi", — deya Arteta so‘zlarini keltiradi BBC.
"Arsenal" "Manchester Siti"ning ochko yo‘qotganidan foydalandi va 24 ochko bilan chempionat turnir jadvalida yakka peshqadamga aylandi.
