Zlatan Ibragimovich ham "Milan"ning derbidagi g‘alabasini nishonlashda ishtirok etdi. U buni Italiya bosh vaziri Jordja Melonini tilga olgan holda amalga oshirdi. RedBird kompaniyasining katta maslahatchisi o‘zining rasmiy ijtimoiy tarmoq sahifalarida, yumshoq qilib aytganda, g‘alati deb atash mumkin bo‘lgan videoni e’lon qildi.
Video bosh vazirning Rim poytaxt ekani haqidagi mashhur nutqi bilan boshlanadi. Shundan so‘ng Ibragimovichning 2022 yilda jamoa 19-bor Skudettoni qo‘lga kiritganidan keyin "Mapei" stadioni kiyinish xonasida aytgan mashhur iborasi yangraydi: "Italiya — bu "Milan".
Keyin shvesiyalik futbolchining "rossonerilar" libosida g‘alabani nishonlayotgan lavhalari namoyish etiladi. Ekranda esa "That's it" degan yozuv paydo bo‘ladi. Bu iborani so‘zma-so‘z "Aynan shunday" deb tarjima qilish mumkin. Biroq bu yerda so‘z o‘yini ham bor: uni "Italiyaning o‘zi shu" ma’nosida ham tushunish mumkin.
