Шермуҳаммад Абдуғофуров
Forza Inter! «Интер Милан» клуби ҳақида таҳлилий-субъектив блог
Интербаттл: Вальтер Маццари кетиши керакми ёки қолиши?
| Баҳо: |
+0; -0
|
Бугундан бошлаб ушбу блогни Инкогнито билан биргаликда юритамиз. Ҳамкорликда қизиқарли мақолалар тайёрлаб сизнинг эътиборингизга ҳавола этишга ҳаракат қиламиз.
Бугун иккаламиз ўзига хос “баттл” ўтказишга қарор қилдик. Хабарингиз бор, сўнгги пайтларда “Интер” мухлислари жамоанинг қониқарсиз натижаларининг асосий айбдори сифатида жамоа бош мураббийи Вальтер Маццарини кўришмоқда ва клуб президенти Эрик Тоҳирдан уни зудлик билан истеъфога чиқаришни талаб қилишмоқда. Айниқса, Кальяри ва Фиорентинага қарши ўйинлардаги кетма-кет икки йирик мағлубият норозиликни янада ошириб юборди. Эрик Тоҳир эса мураббийга ишонишини таъкидлашдан чарчамаяпти.
Инкогнито ва мен ҳам ушбу борада икки хил фикрга эгамиз. Мен Маццарига имкон берилиши тарафдориман. Инкогнито эса, аксинча, Маццарини истеъфога чиқарилиши тарафдори. Қуйида ўз фикримизни асослаш мақсадида келтирган иддаолар билан танишинингиз, қолаверса, ўз фикрингизни ҳам билдиришингиз мумкин. Демак, бошладик
Маццари қолиши керак, чунки...
1. Гарчи Вальтер Маццари “Интер”да иккинчи йил ишлаётган бўлса ҳам, унинг қўл остидаги жамоа янги. Мавсум оралиғида узоқ йиллар “Интер”нинг асосини ташкил қилган Занетти, Камбьяссо, Милито, Самуэль каби бир қатор ўйинчилар жамоани тарк этишди ва уларнинг ўрнига янги футболчилар келиб қўшилишди. Улардан яхлит жамоа ташкил қилиб, бирор натижа кўрсатиш учун эса вақт керак.
2. Молиявий фэйр плэй қоидалари сабаб “Интер” ҳозирги кунда трансфер бозорида фаол қатнашиш имкониятига эга эмас. Мавсумолди трансфер ойнаси даврида ҳам Вальтер Маццари жамоада кўришни истаган ўйинчилар эмас, кўпроқ бугунги бюджетга тўғри келадиган ўйинчилар таклиф қилинди. Гарчи ҳар бир трансфер Маццари билан бамаслаҳат амалга оширилган бўлса ҳам, унга ўзи хоҳлаган ўйинчиларни олиб беришмади. Бор ўйинчилар билан жамоавий ўйин ташкил қилиш учун эса, яна вақт керак.
3. Вальтер Маццари истеъфога чиқарилди ҳам дейлик. Унинг ўрнига ким келади? Манчиними? Бугунги “Интер” Манчини аввал ишлаб кетган “Интер”га умуман ўхшамайди. Бугунги “Интер” Манчинининг рўйхатидаги топ даражадаги ўйинчиларни олиб беришга қодир эмас. Вальтер Дзенга, Хавьер Занетти ёки Луиш Фигу каби тажриба вариантлардан эса, менимча, тийилган маъқул. Моуриньо ёки Симеоненинг ҳам ўз клубларини ташлаб келишига ишониш қийин. Хулоса шуки, мавжуд вариантлар ичида Вальтер Маццари энг кучли мураббий.
4. Вальтер Маццари мавсум олдидан шартномасини 2016 йилгача узайтирган. Агар у истеъфога чиқарилса, унга шартнома муддатидан олдин бекор қилингани учун бадал пули ҳам тўлаш керак бўлади. Қолаверса, янги мураббийга ҳам ойлик тўлаш керак. Юз миллионлик камомадга эга клубимиз учун шу 5-6 миллион ҳам ҳозирга кунда ортиқча ҳаражат.
5. “Интер” бош мураббийларни истеъфога чиқариш бўйича рекордчи клублардан бири ҳисобланади. Эҳтиросга тез берилувчан Массимо Моратти бош мураббийларни исталган омадсиз ўйиндан кейин ҳайдаб солмаслигига ҳеч ким кафолат бера олмас эди. Энг муҳими, бу мураббий алмашувлари кўп ҳолларда клубга ҳеч қандай наф келтирган эмас. Маълум натижага эришиш учун эса стабиллик (муқимлик, доимийлик) зарур. Буни эса Эрик Тоҳир ҳам яхши тушунади.
Маццари кетиши керак, чунки...
Футболда йиллардан давомида ўзгармай келаётган ёзилмаган қонунлар бор. Масалан “ютса жамоа ютади, ютқазса мураббий”. Бу қайсидир маънода адолатсиздек кўриниши мумкин, лекин барибир бор нарса ва буни ҳеч ким инкор қилолмайди. Ҳозирги вақтда Интернинг қандай вазиятдалиги барчага маълум ва бу ҳолатдан нераззуррилар азият чекишмоқда. Қуйида Интерни 2013 – йилда қабул қилиб олган Вальтер Маццари нима учун истеъфо бериши кераклиги тўғрисида баъзи нарсаларни санаб ўтаман.
Биринчидан натижа. Маццари Интерга келганида шубҳасиз унга чемпионлик вазифаси қўйилмаганди, лекин ҳар қандай ҳолатда ҳам ва доимо Интернинг олдига қўйиладиган энг минимум вазифа бу - совриндорлар сафидан ўрин олиш ва бу вазифа бажарилмади. Бутун ўтган мавсум давомида Интер нотекис ўйин кўрсатди, аутсайдерлар билан баҳсларда жуда муҳим очколар бой берилди, бунинг натижасида Интер мавсумни 5 ўринда якунлади ва ЧЛга бериладиган йўлланмадан қуруқ қолди.
Иккинчидан ўйин сифати. Футболда ҳар доим ҳам ёрқин ва чиройли ўйин кўрсатган жамоа ғалаба қозонавермайди. Лекин жамоаси чиройли, муносиб ўйин кўрсатиб мағлуб бўлса, мухлис шубҳасиз мағлубиятдан хафа бўлади, лекин ўйиндан кўнгли тўлиб, келажакга умид билан қарайди. Афсуски Маццари бошчилигида Интер жуда кам ўйинларда мухлисларига ёқадиган ўйин намойиш қилди.
Учинчидан трансферлар. Маццари клубга келгандан сўнг жуда кўп трансферлар амалга оширилди ва амалга оширган трансферлар деярли ўзини оқламади. Сотиб олинган ўйинчилар жамоани ўйинини кутилган даражада кучайтира олишмади. Айниқса ёш ва умидли Коутиньо ва Рикки Альвареснинг бошқа жамоаларга ўтиб кетиши Интернинг трансфер хатоси эди. Видич эса умуман жамоага қўшилиб кета олмаяпти.
Офттоп сифатида машҳур италиялик журналист, TG La7 (TeleGiornale La7) телеканалининг раҳбари ва ашаддий интерист Энрико Ментанинг фейсбук ижтимоий тармоқдаги саҳифасида ёзилган сўзларини келтириб ўтаман.
“Мен Интер мухлисиман. Интерга ёшлигимдан меҳр қўйганман ва доимо жамоамни тақдири ҳақида қайғураман. Ҳар қандай мухлис каби жамоа билан бирга хурсанд бўламан ва азият чекаман.
Натижалар ёмонлашган сари ҳаяжон ва ҳис туйғуларни жиловлаш қийин. Ҳамма нарсанинг ҳам чегараси бор ва жаноб Маццари бу чегарани аллақачон бузди, менинг севимли Интеримни ўйинини таниб бўлмас аҳволга келтирди ва бунинг натижасида қанча тифозилар жамоадан узоқлашишаяпти.
Бундан кўпчилик шок ҳолатида. Бугун Интернинг яна бир мазмунсиз ўйинин кўриб битта хулосага келдим, Маццари вазиятни ўзгартириши учун битта йўл бор – У жамоани дарҳол тарк этиши лозим”
Инкогнито ва Sher Abdugapirov
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
МУАЛЛИФНИНГ БОШҚА МАҚОЛАЛАРИ
- Эрик Тоҳир "Интер"ни сотмоқчи
- Янги Интер: кимлар келди, кимлар кетди?
- Моратти "Интер"ни яна сотиб олмоқчи
- Мойес Миланда, Манчини эса Чезенада
- Интербаттл: Вальтер Маццари кетиши керакми ёки қолиши?
- "Моратти даври" тугади
- Жангга фақат "чоллар" боради!
- Янги давр бўсағасида ёҳуд Эрик Тоҳирнинг "Интер"и
- Forza Inter!
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
