Аргентина терма жамоаси бош мураббийи Херардо Мартино терма жамоа устозларининг тез-тез алмаштирилишидан хавотирда эмаслигини билдирди.
Аргентина терма жамоасида тўлиқ циклда ишлаган сўнги мураббий Марсело Бьельса бўлган (1999 - 2004). Ундан сўнг Хосе Нестор Пекерман, Альфио Басиле ва Диего Марадона икки йилдан ишлаган бўлсалар, Серхио Батиста икки йилдан кам, терма жамоани ЖЧ-2014 финалига олиб чиққан Алехандро Сабелья уч йил ишлаган.
- Терма жамоага бош мураббий қилиш - қалтис иш, аммо мен тмураббийларнинг тез-тез алмаштирилиб туришида муаммо кўрмаяпман. Аргентина устозларининг кўпчилиги узоқ ишлаганлар, кимдир 8 йил, кимдир 4 йил. Охирги йиллардагилардан ташқари камроқ ишлаганлар турли сабаблар билан кетганлар. Ҳар ким ўз кучини билади.
- "Барселона"да юлдузлар билан ишлаш сабоғини олгансиз. Каталонияликлар билан Аргентина терма жамоасидаги муҳитнисолиштирса бўладими?
- Улар ўйинчилар савияси жиҳатидан ўхшаш. Аммо муҳит бутунлай бошқача. Футболчилар терма жамоага чақирувни ўзгача қабул қиладилар ва майдонга тушмасликларини билсаларда, жон деб келадилар", - дейди Мартино.
