18 март оқшомида “Ноу Камп” ўйингоҳида ўтказилган “Барселона” ва “Манчестер Сити” ўртасидаги ўйинни “Бавария” бош мураббийи трибунадан туриб томоша қилди.
Ўйиндаги вазиятлардан бирида каталонияликларнинг аргентиналик ҳужумчиси Лионель Месси ўнг қанотда тўпни рақиб футболчиси Жеймс Милнернинг оёқлари орасидан олиб ўтиш орқали финт амалга оширди ва бу вазиятда алданган рақиб йиқилиб тушишга ҳам мажбур бўлди.
Майдонга ўрнатилган камералар шу вазият билан параллел равишда трибунада ўтирган Хосеп Гвардиолани кузатиб туришганди ва унинг бу финтга реакцияси ҳам тасвирга муҳрланди.
Қайд этиб ўтамиз, ЕЧЛнинг чорак финал босқичига ўтишга йўлланма берувчи бу ўйинда майдон эгалари Ракитичнинг 31-дақиқада киритган голи эвазига ғалаба қозонишди ва кейинги босқичга ўтишди. Англияда ўтган сафар учрашувида ҳам “Барселона” 2:1 ҳисобидаги ғалабага эришган эди.
