Kun.uz: Россиянинг «Краснодар» клуби яримҳимоячиси Жоаозиньо Россия фуқаролигини олиш учун ҳужжатлар йиғишни бошлаб юборди. Бу ҳақда «Известия» нашри хабар тарқатмоқда.

Манбанинг маълум қилишича, Жоаозиньо Россия терма жамоаси таркибида 2018 йилда бўлиб ўтадиган жаҳон чемпионатида иштирок этишни истамоқда. Футболчининг вакили Мирчо Димитровнинг таъкидлаб ўтишича, у ростан ҳам Россия терма жамоаси учун ўйнаш ниятида.

«У анчадан бери Россияда истиқомат қилмоқда ва амалда рус тилини ўрганиб олган. У Краснодардаги ҳаётидан тўлиқ қаноат ҳосил қилмоқда. Клуб мухлислари ва шериклари билан жуда илиқ муносабат ўрнат. Биз унинг фуқароликни олиш ишлари билан шуғулланмоқдамиз. Бир қатор керакли ҳужжатлар тегишли органлар тақдим этиб бўлинди. Умид қиламанки, тез орада Жоаозиньо Россия терма жамоаси шарафини ҳимоя қилиш ҳуқуқини қўлга киритади», дейди Димитров.