Испания терма жамоаси ҳужумчиси Диего Коста жамоа устози Висенте дель Боскенинг ишончини қозонишга умид қилмоқда.
"Менинг Испания терма жамоасидаги тарихим ҳали бошлангани йўқ. Биламан, терма жамоа учун ҳали ҳеч нарса қилганим йўқ. Терма жамоа ҳар доим хаёлимда. Унга ўзим истаган нарсани бера олмаётганимдан афсусдаман. Испания терма жамоаси ўйини яқинлашса, ҳар доим менга нимадир бўлади. Бу мени жуда безовта қилади, бунинг охири бор деб умид қиламан. Мен Испания термасида ўйнаш учун кўп йўл босдим, омадсизликлар тугайди, деб умид қиламан", - дейди Коста.
Эслатиб ўтамиз, Коста Испания термаси тиббий кўригидан ўтганидан сўнг унинг чап сонида жароҳат топилди. 26 ёшли футболчи энди "Челси" ихтиёрига қайтиб келади ва даволанади.
Шу тариқа, Коста Евро-2018 саралашида Украинага қарши (27 март) ва Голландияга қарши (31 март) ўртоқлик учрашувларни ўтказиб юборади.