Бразилиялик афсонавий футболчилардан бири, ҳозирда "Орландо Cити" шарафини океан ортида ҳимоя қилаётган Кака интервью берди:
"Роналду ва Месси сўнгги 7 йил давомида ҳар йили "Олтин тўп"ни ютишмоқда, бироқ мен 2007 йилда улардан олдин уни қўлга киритдим. Бу далил билан бемалол фахрланаман, ўшанда рақиблар орасида кучлиларнинг кучлилари бор эди.
Мен Криштиану билан бир-биримизга ёрдам бердик деб ўйлайман. "Мадрид"даги битта кийиниш хонасида у билан бўлганлигимдан жуда мамнунман. Мен ундан кўп нарсани ўргандим, ҳар куни у билан қолиб унинг қандай машқ қилиши, қандай ўйнашини кўрардим. Роналду кўп томонлама менга кўмак берди.
Испанияни тарк этгунимга қадар у билан ажойиб алоқаларга эга эдик. Улар ҳали ҳам жуда яхши. Роналду "Олтин тўп"ни қўлга киритишда давом этаётганлигидан бахтиёрман. У бунга муносиб, Криштиану - ўзгача футболчи.
Мен Моуриньо билан ишлаганимдан жуда мамнунман. У дунёдан энг кучли мураббийлардан биридир. Мен "Челси"дан Оскар ва "Арсенал"дан Месут Ўзиллар билан алоқадаман. Улар менга "аристократлар" ва "канонирлар"га ўтишимни сўраб, ҳазил қилишади, аммо мен АҚШда бахтлиман", - дейди Кака.