«Реал Мадрид» клуби «Атлетико Мадрид С» ҳимоячиси Аймар Гарсия билан шартнома имзолаш борасида оғзаки келишувга эришди.
18 ёшли футболчининг шартномаси шу ёзда якунига етади. У «қироллик клуби» сафига эркин агент сифатида келиб қўшилади. Таъкидланишича, Гарсия «қаймоқранглилар» ёшлар жамоаси бош мураббийи Альваро Арбелоанинг эътиборини тортган. Испаниялик иқтидор марказий ҳимоячи позициясида ўйнайди, унинг бўйи — 192 см.
Жорий мавсумда Аймар Гарсия «Атлетико Мадрид С» сафида иккита ўйинда майдонга тушди. Ушбу учрашувларда футболчи самарали ҳаракатлари билан ажралиб турмаган.
