Kun.uz: Футбол бўйича жаҳоннинг уч карра чемпиони Пеле янги футбол қироли бошқа бўлмаслигини айтди.

Пеле кўп маротаба ўзининг вориси сифатида Бразилия футболининг у ёки бу ярқираб чиқаётган футболчисини айтар эди. Футбол қироли ўзидан кейин келаётган Роналдодан (62 та тўп) анчагина фарқ билан ҳали ҳам Бразилия терма жамоаси тарихидаги энг яхши тўпурар бўлиб қолмоқда (77 та гол). Неймар эса 23 ёшида пентакампеонлар тарихида энг кўп гол урган бешинчи футболчи бўлиб турибди.

“Неймар мендан ўзиб кетадими? Фикримча, йўқ. Янги футбол қироли, янги Пеле бўлишининг имкони йўқ. Чунки менинг ота-онам бошқа фарзанд кўрмайди. Лекин, Неймар жуда иқтидорли ёш ўйинчи. У жуда катта юлдузга айланади, бунга шубҳа йўқ”, деб айтди Пеле.

74 ёшли бразилиялик афсона танқидчиларнинг “Пеле замонавий футболда Лионель Месси ва Криштиану Роналдудан кучлироқ ўйин кўрсата олармиди?” деган саволларига жавобан шундай деди: “Агар сиз Бетховен бизнинг замонамизда аҳамиятли одам бўлармиди деб сўраганингизда, “Албатта” деб жавоб берарди. Агар мен ҳозирги кунларда ўйнаганимда ҳозирги замон футболига ўйнашга тайёр бўлар эдим. Одамлар менда ўйинга қобилият борлигини унутишмоқда. Ҳеч ким бунга шубҳа қилмаса ҳам бўлади”.