Франция президенти Франсуа Олланд миллий терма жамоа сафида 100дан ортиқ учрашувда иштирок этган футболчиларни эсдалик мукофотлари билан тақдирлади, дея хабар бермоқда УЕФА расмий сайти.
Тақридлаш маросими Франция-Бразилия ўртоқлик учрашувидан аввал бўлиб ўтди. Франсуа Олланд Франция терма жамоаси сафида 103 учрашув зтказган ва ҳозирда МТЖни бошқараётган Дидье Дешамни, Патрик Виейрани (107 учрашув), Зинедин Зиданни (108 учрашув), Марсель Десайини (116 учрашув) ва Тьерри Анрини (123 учрашув) мукофот билан тақлирлади.
Франция сафида энг кўп учрашув ўтказган Лиллиан Тюрам (142 ўйин) тақдирлаш маросимида иштирок эта олмади. У ўз мукофотини 7 июнда қўлга киритади.
