Тошкент, 28 март - Бугун "Локомотив" ТТЙМИ стадионида "Машъал"га қарши ўртоқлик учрашувини ўтказди. Бу ўйинда "темирйўлчилар" йирик 4:1 ҳисобида ғалаба қозонишди.

Аввалига Дамир Кояшевич ҳисобни очган бўлса, кейинчалик Марат Бикмаев ҳисобни 2:0га етказди. Биринчи тайм охирида Никита Букаткин ҳисобни қисқартирди. Иккинчи таймда рақиб футболчилари жарима майдончаси ичида ўйин қоидасини бузишгани учун ҳакам икки марта пенальти белгилади. Натижада 11 метрлик нуқтадан Карен Абрамов ва Икром Алибоев тўп киритиб, "Локомотив"нинг йирик ҳисобда ғалаба қозонишини таъминлашди.

Бу учрашув "Сўғдиёна" билан кечадиган баҳсдан олдин тайёргарлик вазифасини ўтаб берди. "Локомотив" олий лиганинг 3-турини сафарда "Сўғдиёна"га қарши ўтказади. Мазкур беллашув 3 апрель куни Янгиер шаҳрида бўлиб ўтади.

Ўртоқлик учрашуви. 28 март
"ЛОКОМОТИВ" - "МАШЪАЛ" 4:1
Голлар: Кояшевич, Бикмаев, Абрамов (пенальти), Алибоев (пенальти) - Букаткин