Англия Футбол ассоциацияси (FA) Буюк Британиянинг эркаклар ва аёллар терма жамоаларининг 2016 йилги Олимпия ўйинларида иштирок этиши бўйича берган заявкасини қайтариб олди, деб хабар беради sports.ru.
Шотландия, Уэльс ва Шимолий Ирландия футбол ассоциациялари бу фикрдан воз кечишди. Олдинроқ ФИФА Буюк Британиянинг барча аъзолари розилиги билан ушбу ташаббусни қўллаб-қувватлашини билдирганди.
“Барча тўрт мамлакатнинг розилигисиз Буюк Британия терма жамоасини заявка қилишга ФИФА рухсат бермаслигини менга маълум қилишди. Бу масалада сўнгги сўз ФИФАда қолган”, – деди ФИФА вице-президенти Жим Бойс.
