Бугун Ўзбекистон чемпионатининг 3-тури старт олди. Қаршида “Насаф” “Қўқон 1912” жамоасини қабул қилиб 3:0 ҳисобида мағлуб этди.

Шу тариқа “аждарлар” бундан 12 йил олдин, ушбу жамоаларнинг охирги беллашувида Қўқонда учралган 0:3 ҳисобидаги мағлубият учун муносиб ўч ола билишди. 

Ушбу жамоалар Қаршида олтинчи маротаба рўбаро келишди ва уларнинг барчасида мезбонларнинг қўли баланд келган. “Қўқон-1912” бу нохуш анъанага барҳам бера олмади.

Иккала клуб ҳозиргача Ўзбекистон чемпионатида жами 11 марта рақиб бўлишган. 7 тасида “Насаф”нинг, 4 тасида эса “Қўқон 1912”нинг қўли баланд келган. Эътиборли жиҳати бу жамоалар муроса кўчасини танлашни хуш кўришмайди.